A Federación Galega de Baile Deportivo celebrará o próximo 17 de maio unha nova xornada de tecnificación dirixida a deportistas das modalidades de latinos, standard, single e danza coreográfica.
A actividade desenvolverase nas instalacións da Cervecería Monte do Gozo, en Santiago de Compostela, e contará como técnicas responsables con Petra Cernakova e Miriam Sánchez, referentes do baile deportivo.
A sesión dividirase en diferentes bloques de traballo técnico e adestramento ao longo da xornada, combinando formación específica e preparación práctica para os deportistas participantes.
Dende a Federación Galega continúase apostando pola formación e mellora técnica dos bailaríns galegos, impulsando actividades que contribúan ao crecemento deportivo das distintas disciplinas.
📍 Lugar: Cervecería Monte do Gozo – Santiago de Compostela
📅 Data: 17 de maio de 2026
